Michael Mathias Johannes Storch

Den frie encyklopædi: Michael Mathias Johannes Storch (21. 4. 1883 Manermiut -21.11.1957) kalaaleq palasi atuakkiortorlu. Knud Rasmussen-ilu Ilulissat Kommuneanni tusaamaneqarnerpaat ilaat. Angajoqqaarai piniartoq David Storch nulialu Ane Sofie. Marloriarluni nuliarpoq, nulia siulleq Ane Jensine Emilie Berthelsen toq. 1913, 1915-imi katippaa Emilie Justine Margrethe Johanne Frederiksen. Mathias Storch 1906-imi Nuummi Seminariami ajoqissatut ilinniarpoq1910-imilu ajoqinngortitaalluni. Ilinniarnini sioqqullugu nunaqarfimmi atuarsimagaluarluni, pikkorinnersanut ilaalluni Seminariamit ilinniarnini UG-mik karakteereqarluni naammassivaa. Tamanna pillugu Danmarkimi ilinniaqqittussatut toqqarneqarpoq.

Mathias Storch 1909-mi Ilulissani ajoqiuninngortitaavoq 1911-imilu førstepræstin-ngortitaalluni. Kalaallini siullersaalluni 1928-imi vicitatsprovstinngortitaavoq. Ukiut arfinillit qaangiuttut Avannaanut provstinngortitaavoq. Sulilluarnini pillugu 1921-imi Ridderkorsimik saqqarmiuligaavoq 1947-milu nersornaammik sølviusumik (Danne-brogsmændenes Hæderstegn) saqqarmiulerneqarluni.

Kalaallit Nunaanni ilagiinni ilinniartitaanermilu sunniuteqarpoq. Avannaa tamak-kerlugu ilageeqarneq atuarfeqarnerlu aquppai ilinniartitsisunillu palasinillu sumiiffinni atorfinititsinissaq taakkulu ilinniartitaanerat isumagalugu. Nuna tamakkerlugu Peqati-giinnianik tunngaviliisuuvortaaq.

Mathias Storch inuiaqatigiinni oqalliseqataavoq kalaallillu pisinnaatitaaffiinik qallunaatullu naligiittut pineqarnissamik suliniuteqartuuvoq. 1921-imi Grønlands-kommissionimi ilaasortanngorpoq 1927-imiillu 1933-imut Avannaata Landsrådiani ilaasortaalluni.

Atuakkiortutut 1941-mi saqqummersitseqqaarpoq tassani saqqummersippaa atuakkiaq ”Sinnattugaq” aappaaguani ima atserlugu qallunaatut saqqummertoq: En Grønlænders Drøm. Taanna kalaallisut oqaluttualiaani siullersaavoq.

%d bloggers like this: