Jonathan Petersen

Gyldendals DEN STORE DANSKE: Jonathan Petersen, 1881-1961, kalaaleq taalliortoq erinniortorlu, Kalaallit Nunaanni 1900-ikkut qiteqqunnerisa tungaanut kulturikkut pingaaruteqarluartut ilaat; Pavia Petersen-ip angutaa. Ajoqinut ilinniarluni naammasereernermi kingorna Danmarkimiinnermini organistitut soraarummeerpoq kingornalu Nuummi organistitut sulivoq Seminariamilu nipilersornermik kalaallisullu oqaatsinik ilinniartitsisuulluni.

Erinniortutut taalliortutullu Europamiut periaasaannik tunngaveqarpoq. Jonathan Petersen kalaallit nunagisaq pillugu erinarsuusiortut Kalaallillu Nunaannik inooriaa-sitoqqamillu nersorinnittut siulliit ilagaat. Taalliami ilaanni inuiaqatigiinnut tunngane-rusuni Kalaallit Nunaata pissarititai tunngavigalugit inuunissamik piniartullu siuliminnik malinninnissaat pingaartutut oqaatigigai. Tamatuma peqatigisaanik qallunaanik suleqateqarnissamik avataaniillu eqqarsaatinut nutaanut ammanissamik kaammattuivoq.

Tussiusiaasa ilarpassui nalimini anersaakkut eqeersaanermit, uppernermit ataatsimuus-suseqarnermillu isumassarsiaapput. 1957-mi atuakkiaa Inuunerup sarfaane 1900-kkut aallartinneranni nunaqarfeerannguamut tunngasoq saqqummerpoq. Oqaasilerisutut Ordbogeraaq 1951-imeersoq tusaamaneqaatigaa.

%d bloggers like this: