H. Ostermann

Gyldendals DEN STORE DANSKE: H. Ostermann, Hother Bertel Simon Ostermann, 12.6.1876-28.6.1950, palasi, atuakkiortoq. Randers-ip Amtiani Nørre Årslev-imi inunngortoq, toq. Greve-mi. Aallartippoq nakorsaataasivimmi Apotekimi ilinniartutut 1892-94, tamatuma kingorna 1896-imi ilinniarnertuunngorpoq piffissallu ilaani Veksø-mi illumi ilinniartitsisuulluni 1901-imilu teologimi kandidatinngorluni. Inuusunnermini ikinngutaanut ilaapput illoriit F. Balle aamma Knud Rasmussen siusissukkut Kalaallit Nunaannik soqutiginnilersitsisut, soraarummeernermilu kinguninngua ukioq 1901 nunatsinnukarpoq Ilulissani ikiortinngortitaariarluni palasinngoriartorluni. Aappaaguani ajoqersuisunngortitaavoq 1903-milu Seminariami siulittaasuugallartussatut atorfinitsitaavoq. 1904 Aasiannut nuuppoq tassanilu aqutsisutut palasinngorluni 1905. Palasitut ajoqinngornianullu ilinniarfimmut siulittaasututIlulissanut uternissi sioqqullugu 1906-imiit ukioq ataaseq Nuummi palasiuvoq Seminariamilu ilinniartitsisuulluni. Tassaniipporlu 1921-imi Danmarkimi Roskildip eqqaani Geve-mi palasinngornissami tassanilu palasioreerluni 1946-mi soraarninngornissami tungaanut. Ostermann kinguaariinnik oqaluttuarisaanermillu annertuumik soqutigisaqarpoq, ukiunilu Kalaallit Nunaaniinnermini kirkeboginit assiliisarpoq pingaartumillu Danmarkimut uternermini kinguaariit akusat Europamiullu Kalaallit Nunaanni sulisut pillugit ilisimatusaatinik saqqummiussisalerpoq: Meddelelser om danske Slægter i Grønland (Personalhist. Tidsskr. 6. r. VI, 1915), Bidrag til danske og norske Slægter i Grønland (sst. 7. r. II, 1917), Svenske Slægter i Grønland (Personhist. Tidsskr. XXII, Sth. 1921) En grønlandsk Gren af Slægten Hammond (Norsk slekthist. Tidsskr. VI, 1938) kiisalu sst. Norske notater i Grønlands kirkebøker. Ostermann-ip pingaartumik 1814-imi Danmarkimit avissaarnerup tungaanut norgimiut Kalaallit Nunaanni ajoqersuinermi nunasiaataanermilu sulinerat erseqqissangaatsiarpaa, taamaaliorporlu allaaserisani Den norske Grønlandsprest provst Jørgen Sverdrup, 1922, Dagbøker av nordmenn på Grønland før 1814 I-III, 1935-44 (Norges Svalbard- og Ishavsundersøkelser Medd. XXXIII og LXVIII-LXIX), Grønlandske distriktsbeskrivelser forfattet av nordmenn før 1814, 1937 kiisalu Skrivelser angående Mathis Jochimsens Grønlandsekspedition ( Norges Svalbard- og Ishavsundersøkelser Medd. LXIV, Oslo 1946). Norgimiutut suliaasa pingaarnersaat tassaavoq Nordmænd paa Grønland 1721-1814 I-II, Oslo 1940. Ostermannittaaq 1921-imili Kalaallit Nunaanni ajoqersuisup H. C. Glahn-ip ullorsiutaanik saqqummiussinermigut, ukioq taanna takussutissiissusiamini Den grønlandske Missions og Kirkes Historie, Hans Egede-llu Kalaallit Nunaannut pineraniit ukiut 200-nngornerat I-II-nut atatillugu sumiiffinnik ilisimaarinnilluni nassuiaanikkut innuttaasullu pingaartumik Avannaani Ostermann-ip ilisimaarilluagaani misigissuseqarfigalugit paasinnillunilu qanoq innerannik naliliinikkut pingaarutilim-mik ilanngussaqarnikkut, danskit Kalaallit Nunaanni oqaluttuassartaat sammivaa. Kalaallisut ordbogi 1926-, Greenland I-III, 1928-29-, Knud Rasmussen-ip ilisimasassarsiorluni Avanersuarmi angalanerisa tallimaat suleqataaffigai, 1938-39-milu Knud Rasmussens posthumous notes on the live and doings of the East Greenlanders in olden times saqqummiuppaa. Najukkat oqaluttuassartaannut tunngatillugu Ostermann-ip Træk af Kolonien Jakobshavns Historie 1741-1941 saqqummiuppaa 1941,  1943-milu Frederikshaabs Historie 1742-1942, taakku marluk Grønlandske Selskab-ip atuagassiaani saqqummiuttarlugit. 1945-mi Danske i Grønland i det 18. Aarhundrede saqqummerpoq (patsisissaqarluartumik norskisuuanit annikinneroqisoq). Kiisalu Dansk biografisk Leksikon, 2. udg. Kalaallit Nunaannut tunngasortaanik suleqataavoq. Palasiunermini kalaallisut allaaserisat upperluartuunis-samut tunngasut assigiinngitsut saqqummersitarai qallunaatullu tussiutinik H.C. Andersen-illu oqaluttualiaanik nutsigaqarluni. Atuakkiatigut allatigullu suliarpas-suarmigut Ostermann Kalaallit Nunaanni sullissisut nunasiaanerullu oqaluttuassartai piinnarnagit aammattaarli nuna innuttaalu ilisimaarilluakkani nuannarisanilu pillugit annertuumik ilisimannilersitseqataavoq. Minnerunngitsumik nuliani Dina aqqutigalugu ilaqutariit inuttut avatangiisiminnut annertuumik atassuteqartuupput Danmarkimullu uternerminni Greve-mi palasip illua kalaalerpassuarnut qallunaanullu katersuuffiu-sarpoqtaamatuttaaq Knud Rasmussen Kalaallit Nunaanni Danmarkimilu ikinngutaal-luartuuvoq. Kalaallit amerlasuut Danmarkimiinnerminni palasip illuani inoroorsaarfi-usumi sivisuumik najugaqartarput.

%d bloggers like this: