Christian Berthelsen

Gyldendals DEN STORE DANSKE: Christian Berthelsen, Christian Tobias Jakob Berthelsen, 7.10.1916, atuarfeqarfimmi pisortaq. in. Nuummi. Christian Berthelsen Nuummi Seminariami 1936-imi Jonstrup-imilu 1941-mi ilinniareerluni linniartitsisunngorpoq. 1941-miit 1945-mut Danmarkimi ilaatigut ilinniartitsisunut højskolimi ilassutitut ilinniaqqippoq. 1945-miit 1947-mut Kujataani atuarfinnut siunnersortaavoq 1948-miillu 1954-imut Avannaani taamatuttaaq siunnersortaalluni. 1955-imi Nuummi skoleinspektørinngorpoq, 1956-imi qaammarsaanermi siunnersortinngorpoq 1960-imiillu 1972-imut Kalaallit Nunaanni atuarfeqarfimmut pisortanngorluni. Tamatuma kingorna Danmarkimi najugaqarpoq universitetini seminarianilu ilinniartitsisarluni atuakkiortarlunilu. Christian Berthelsen 1960-imiit 1972-imut atuarfeqarnermut pisortaqarfimmi-, radiostyrelsimi-, Knud Rasmussen-ip Højskoliata siulersuisuini Kalaallit Nunaannilu naqiterisitsisarfimmi (1957-imiit 1963-imut siulittaasuuffigisamini) ilaasortaavoq, 1967-imiit 1971-imut kalaallisut oqaatsit allattaaserlu pillugit ataatsimiititaliami 1976-imiillu 1985-imut Det grønlandske selskabimi, 1975-imiillu 1983-imut Kalaallit Nunaanni sumiiffinnik atsersuisarneq pillugu ataatsimiititaliami siulittaasuuvoq. 1977-imiit 2000-imut Biibilip nutserneqarnerani ataatsimiititaliamut ilaasortaavortaaq. 1977-imiit 1986-imut Københavnip Universitetiani avataaniit lektoritut kitaani oqaatsinik ilinniartitsisutut atorfeqarpoq. Nunatsinni atuarfik ilinniartitaanerlu pillugit oqallinnerni arlalinnik allaaserisaqarpoq. Meeraanilikkersaarut Taimane 1970-imi saqqummerpoq, Kalaallit Nunaanni inuiaqatigiilerineq, 1973, 1976-imilu Oqaluttualiaativut taalliaativullu saqqummerpoq. Atuakkiaa Kalaallit atuakkiaat, 1983, nassuiasigaq; 1994-imi Kalaallit atuakkiaat, 1900-ip tungaanut atuakkianut tunngassuteqartoq saqqummerput. Christian Berthelsen arlalinnik nersornaatisisarpoq ilaatigut Det grønlandske selskab-imit Rink medalje1985, Namminersornerullutik Oqartussat nersornaasiuttagaat sølvi 1990, 2001-milu gultimik nersornaatisilluni kiisalu Kalaallit Nunaanni atuakkiortut peqatigiiffiata ataqqinaammik nersornaasiuttagaanik 2009-mi nersornaaserneqarluni.

Angajoqqaarai: niuertoruseq Johan Berthelsen. (1883–1958) Karen Lynge (1882–1950). katippoq 27.6.1945 Københavnimi nuliartaaralugu Vibeke Kaja Wulff-Hansen, in. 25.6.1919 Københavnimi, angajoqqaaralugit illussanik titartaasartoq Poul W.-H. (1885–1956) nulialu Marie Louise Nielsen (1893–1976).

%d bloggers like this: